Jazbaat -A-Shayri- sher 0 shayri

1)      Kuch Lamhe Aye Zindagi Me Kuch Lamho Ke Liye,
Aaj Fir Tarste Hain Hum Un Lamho Ke Liye,
Khuda Ne Kaha Kuch Maang Lo,
Maine Kaha Wo Lamhe Fir De Do Kuch Lamho Ke Liye.

2)      Dosti ka shukriya kuch is trah ada karu,
Aap bhul bhi jao to main yaad karu,
Dosti ne bas itna sikhaya hai muze
Ke khud se pahle apke liye dua karu.

3)      Suna Hai Khuda Ke Darbar Se..
Kuch Farishtey Faraar Ho Gaye..
Kuch to Vaapas Chale Gaye..
Aur Kuch Humare Yaar Ho Gaye.

4)      Aapki hasi bahut pyaari lagti hai,
Aapki har khushi hamein hamari lagti hai,
Kabhi door na karna khud se humein,
Aapki dosti humein jaan se bhi pyaari lagti hai.

5)      Haqiqat Mohabbat Ki Judaai Hoti Hai,
Kabhi Kabhi Pyar Main Bewafai Hoti Hai,
Humari Taraf Haath Badhaa Kar Toh Dekh,
Dosti Main Kitni Sachhai Hoti Hai.

6)      Yaaron ki mehfil ka…
wo manzar bhi ajeeb sa tha,
jahan sab mere kareeb the…
par main kisi ke kareeb na tha.

7)      Dooriyon ki na parwah kiya karo,
Jab dil chahe yaad kiya karo,
Dushman nahi hain dost hain hum aapke.
Mera khat na aaye to khud bhej diya karo!

8)      Zindagi bhi kya ajeeb mod leti hai
Ek waqt aisa tha jab hum apne dosto se kahte the
Chalo milkar kuch plan banate hain
Aur ab
chalo milne ka koi plan banate hain

9)      Ham tere dil mein rahenge ek yaad bankar,
Tere lab pa khilenge muskaan bankar,
Kabhi hamein apne se juda na samajhna,
Hum tere saath challenge aasmaan bankar.

10)   Tumhari is ada ka kya jawab du,
apne dost ko kya uphar du,
koi achcha sa phool hota to mali se mangvata,
jo khud gulab hai usko kya gulab du.

11)   Aaj Khushiyon Ki Koi Badhai Dega,
Nikla Hai Chand To Dikhai Dega,
Ae Dost Dosti Ki Hai Humne Aapse,
Aapka Ek Aansu Bhi Ghira To Sunai Dega.

12)   Wo Doston Ki Mehfil, Vo Muskratey Pal,
Dil Se Judaa Nahi Apnaa Beetaa Hua Kal,
Kabhi Zindgi Guzrti Thi Waqt Bitane Mein,
Aaj Wqt Guzarta Hai Zindgi Bitane Mein.

13)   Beshak kuch waqt ka intezaar mila humko,
Par khuda se badhkar yaar mila humko,
Na rahi tammana kisi jannat ki,
Ae dost teri dosti se vo pyar mila humko.

14)   Ajnabi kuch milte hai aur jane kab dost ban jate hai,
Dil mein nahi baste vo to Dil ka hissa ho jate hai,
Badi haseen lagti hai duniya doston k saath yaro,
Par bada dard hota hai jab kabhi dost ajnabi ho jate hai.

15)   Dosti ka rishta purana nahi hota,
isse bada khajana nahi hota,
dosti to pyar se bhi pavitra hai,
kyoki isme koi pagal ya dewana nahi hota.

Zindagi Shayri- Shayrana Shayri- Sher o Shayri Zindagi ki

1)      Zindgi Dene Wale Marta Chod Gaye,
Apnapan Jatane Wale Tanha Chod Gaye,
Jab Padi Jarurat Hume Apne Humsafar Ki,
Wo Jo Saath Chalne Wale Apna Rasta Mod Gaye.

2)      Apni To Zindagi ki Ajeeb kahani hai.
Jis Cheez ko Chaha Wo Hi Begani hai
Haste hain Dunia ko Hasane k Liye Warna
Dunia Doob Jaye In Ankhon Main Itna Pani hai.

3)      Samajh Nahi Aaya Aye zindagi Tera Ye Falsafa
Ek Taraf Kehte he Sabar ka Fal Meetha Hota He
Aur Dusri Taraf Kehte hai
waqt kisi ka intazar Nahi karta.

4)      Zindagi tujhse har kadam par samjhota kyun kiya jaye,
Shauk jeene ka hai magar itna bhi nahi ki,
Mar-mar ke jiya jaye.
Jab jalebi ki tarah ulajh hi rahi hai tu Aey zindagi,
Toh fir kyun na tujhe chaashni mai dubokar maza hi le liya jaye.

5)      Maine zindagi se pucha
Sabko itna dard kyo deti ho.
Zindagi ne has kar jawab diya
Hum to sab ko khusi dete hai,
par ek ki khusi
Dusare ka dard ban jati hai..

6)      Kagaz k note se akhir
Kis kis ko khareedoge,
Kismat parakhne k kiye yaha aaj bhi
Sikka hi uchala jata hai.

7)      Jab bhi dekhta hu..
Kisi gareeb ko haste hue
to yakeen aa jata hai
Ke khusyion ka talluq daulat se nahi hota

8)      Seekh raha hu dheere dheere,
Iss duniya k rivaaz,
Jisse matlab nikal jaye,
Usey zindagi se nikaal do.

9)      Zindagi Ka Safar Toh Ek Haseen Safar Hai,
Her Kisi Ko Kisi Na Kisi Ki Talash Hai,
Kisi Ke Pass Manzil Hai Toh Raah Nahi,
Aur Kisi Ke Pass Rah Hai Toh Manzil Nahi.

10)   Na sangharsh na takleef
To kya maza hai jene mein
Bade bade toofan tham jate hai
Jab aag lagi ho seene mein..

11)   Agar phisle to utna jante hai,
Agar dube to tairna jante hai,
Agar gire to sammlna jante hai,
Agar tut gaye to judna jante hai,
Pyar ke badle pyar dhutkar ke badle
Uphar dena jante hai,
War ka pratikar
Aur
Har ko jit me badlna jante hai.

12)   Haa ye sach hai k mujhe tumse Mohabbat hai,
Ye bhi sach hai k main tumhari chahat hun,
Par meri zindagi me chahato ki kami to nahi,
Rishte or bhi hai ek sirf tum hi to nahi,
Apni zaat k is pehlu se ajj milwaaon tumhe,
Main kya hun, kaise hun batlaaon tumhe,
Apni Maa ki tarbiyat hun main,
Izzat hon apne Papa ki,
Maan hun apne bhai ka,
Nishaan hun apni behno ki parchai ki,
To behak jaaon main yeh kabhi mumkin hi nahi,
Ke Dil woh sab bhi to rakhte hai, ek tum hi to nahi.

13)   Gham na kar Zindagi bahut badi hai,
Chahat ki mehfil tere liye saji hai,
Bas ek bar muskura kar tho dekh,
Taqdeer khud tujhse milne bahar khadi hai.

14)   Kisi roj yaad na kar pau to khudgarj na samjh lena,
Darasl choti si iss umar mai presaniya bhut hai,
Main bhoola nhi hu kisi ko mere bahot achhe dost hai zmane me,
Bs thodi zindagi uljhi pdi hai do waqt ki roti kmane me.

15)   Lamho ki ek kitaab hain zindagi,
Saanso aur khyalo ka hissab hai zindagi,
Kuch jarurate puri kuch khwaishe aduri,
Bas inhi sawalon ka jawab hain zindagi.

16)   Takdeer ke khel se nirash nahi hote.
Zindagi me kabhi udaas nahi hote.
Hatho ki lakhiro pe yakeen mat karna,
Takdir to unki bhi hoti hai jinke hath nahi hote.

17)   Chubhati to hai jindgi bhi,
Jab sathi nahi milata koi,
Khamosiyo ko mitane wala milta nahi koi,
Magr khamosh rehne ka aaj yug mein koi fayda nahi,
Kyuki khamoshi ka fayda uthata hai har koi.

18)   Apni bebasi par aaj rona sa aaya
Doosron ko nahi maine apno ko azmaaya
Har dost ki tanhaayi door ki
Lekin khud ko har morh par tanha hi paya..!

19)   Hamain Na Muhabbat Mili Na PyaR Mila,
Humko Jo Bhi Mila BeWafa YaaR Mila,
Apni To Ban Gaye Tamasha Zindagi Ka,
Har Koi Apne Maqsad ka TalabGar Mila.

20)   Chote se dil me gum bahut hai,
Zindagi me mile zakham babut hai,
maar hi dalti kab ki duniya humein,
Kambakht dosto ki duao me dam bahut hai.

21)   Zami per rah kar..
asma ko chune ki fitrat hai meri.
par gira kar kisi ko..
Uper uthane ka shook nahi mujhe.

22)   Zindagi Mein Kabhi Kisi Ka Saath Nahi Chodna,
Kyun Ki Kuch Pal Lagte Hai Rishte Banane Mein,
Aur Kuch Pal Lagte Hai Rishte mitane Mein,
Ek Pal Lagta Hai Kisi Ko Rulane Mein,
Aur Zindagi Beet Jati Hai Kisi Ko Bhulaane Mein.

23)   Kehne waalon ka kuch nahi jaata,
Sehne waale kamaal karte hain,
Kaun dhoonde jawaab dardon ke,
Log toh bas sawaal karte hain.

24)   Khamosh baithe toh log kehte hai..
Udaasi acchi nahi,
Zara sa hans le toh
Log muskuraane ki wajah pooch lete hain.

Dil Ki Baat Shayri ke sath.......shero o shayri

1)      Humare aansu wo jaan na sake,

Mohobbat ki kahani wo maan na sake,

Kaha tha unhone marne k baad b yaad karenge,

Jeete jee to wo yaad kar na sake.

2)      Duniya me koi kisi ke liye kuch nahi karta,

Marne wale ke saath har koi nahi marta,

Are Marne ki baat to door rahi,

Yaha to zindgi hai phir b koi yaad nahi karta.

3)      Kitna Dur Nikal Gye Riste Nibhate Nibate,
Khud Ko Kho Diya Humne Apno Ko Pate Pate,
Log Kahte Hai Dard Hai Mere Dil Me,
Aur Hum Thak Gye Muskurate Muskurate.

4)      Duniya Jise Neend Kehti Hai ,
Na Jaane Wo Kya Cheez Hoti Hai,
Aankheon To Hum Bhi Band Karte Hain,
Par Wo To Unse Milne Ki Tarkeeb Hoti Hai,
Hum Neend Ke Shouqin Jyada To Nahi,
Lekin Kuch Khwab Na Dekhe To Guzara Nahi Hota.

5)      Pyaar Karne Ka Hunar Hamein Nahi Aata,
Isliye Pyaar Ki Baazi Hum Haar Gaye,
Hamari Zindagi Se UnHe Bahot Pyaar Tha,
Shayad Isiliye Wo Hamein Zind hI Maar Gaye.

6)      Dil Ke Sagar Me Lehre Uthaya Na Karo,
Khwab Bankar Neend Churaya Na Karo,
Bahot Chot Lagti Hai Mere Dil Ko,
Tum Khwabo Mein Aa Kar Yu Tadpaya Na Karo.

7)      Ab aansoonon ko aankhon me sajana hoga,
Charaag bujh gaye khud ko jalana hoga,
Na samajhna ki tumse bichadke khush hain hum,
Hamein logon ki khatir muskurana hoga.

8)      Log puchte hain kyu surkh hain tumhari aankhein,
Hans ke keh deti hoon raat ko so na saki,
Laakh chahoon bhi magar ye keh na sakoon,
Raat ko rone ki hasrat thi magar ro na saki.

9)      Hamse Kare Woh Pyar
Izhaar Kisi Aur Se Kare
Khuda Kare Jis Se Kare Woh Izhaar
Woh Bhi Pyar Kise Aur Se Kare.

10)   Uske Bina Ek Pal Bhi Guzara Nahin
Kisi Aur Ko Humne Dil Mein Utara Nahin
Rukna Kyat Ha Hum Toh Saans Bhi Rok Lete
Par Tumne Dil Se Kabhi Pukara Nahin!

Sher o Shayri-Dil Ki Baat Shayri Ke Sath

Sher o Shayri - Dosti

1)      Dost aisi tadap hai jo dil se nahi nikala jata,
Dil mein chupi aag ko bujahaya nahi jata,
Kitni bhi duri ho dosti mein,
Aap jaise dost ko bhulaya nahi jata…

2)      Khushiyon Per Fizaon Ka Pehra Hai
Na Jane Kis Umeed Pe Dil Thehra Hai
Aapki Aankhon Se Jhalakte Dard Ki Qasam
Ye Dosti Ka Rishta Pyar Se Bhi Gehra Hai.

3)      Sadgi Main Ek Ada Itni Pyari Lagi
Apki Dosti Humko Subse Nirali Lagi
Yeh Na Tootay Kabhi Yahi Dua Hai
Kyn Ke Yahi Is Duniya Mai Hum Ko Hamari Lagi.

4)      Khuda Ki Banai Qudrat Nahi Dekhi
Dilon Main Chupi Dolat Nahi Dekhi
Jo Kehta Hai Doori Se Mit Jati Hai Dosti
Us Ney Shayud Hamari Dosti Nahi Daikhi

5)      Jasbaate Ishq Naakaam Naa Hone Denge,
Dil Ki Duniya Mein Kabhi Shaam Naa Hone Denge,
Dosti Ka Har Ilzaam Apne Sar Par Le Lenge,
Par Dost Hum Tumhe Badnaam Na Hone Denge…

6)      Mehfil main kuch to sunana padta hai,
Gham chupakar muskurana padta hai,
kabhi unke hum bhi the dost,
Aaj kal unhe yaad dilana padta hai…

7)      Ansu Bahe To Ehesas Hota Hai,
Dosti k Bina jiwan kitna Udas Hota Hai,
Umar Ho Apki Chand jitni lambi,
Aap jaisa Dost kaha Har kisi k Paas Hota Hai

8)      Kamyabi Badi Nahi Paane Wale Bade Hote Hai.
Zakhm Bade Nahi Bharne Wale Bade Hote Hai.
Itihas K Har Panne P Likha Hai.
Dosti Badi Nahi Nibhane Wale Bade Hote Hai

9)      Dooriyon se farak nahi padta,
Baat to ddilon ke nazdikiyon se hoti hai,
Dosti aap jaise kuch khaas logon se hoti hai,
Warna mulaqat to na jaane roz kitne logon se hoti hai

10)   Dosti wo ehsaas hai jo mit nahi sakta,
Dosti wo parwat hai jo jhuk nahi sakta,
iski kimat kya hai ye mujhse pucho,
Ye wo anmol moti hai jo beekta nahi…

11)   Hansi chupana kisi ko gawara nahi hota,
Har musafir zindagi ka sahara nahi hota,
Milte hain log is tanha zindagi mein par,
Har koi dost tumsa pyaara nahi hota…

12)   Dosti to ek sahil hai tufanon ke liye,
Dosti ek aaina hai armanon ke liye,
Dosti ek mehfil hai anjano ke liye,
Dosti ek khwaish hai aap jaisa dost paane ke liye

13)   Faasle mitake dilon me pyaar rakhna,
Dosti ka rashta yunhi bekarar rakhna,
Maana ki bahut pyaare pyaare dost hain aapke,
Par un sab ke baad is nacheez ko bhi yaad rakhna

14)   Kuch Rishte Anjane Me Ban Jate He
Pehle Dil Se Fir Zindgi Se Jud Jate He
Kehte Hai Us Daur Ko Dosti
Jisme Anjane Na Jane Kab Apne Ban Jate hai. 

15)   Rishton ki dori kamzor hoti hai,
Aankhon ki baatein dil ki chor hoti hain,
Khuda ne jab bhi poocha dosti ka matlab,
Hamari ungli aapki aur hoti hai…

16)   Aap se door ho kar hum jayenge kaha,
Aap jaisa dost hum payenge kaha,
Dil ko kaise bhi sambhal lenge,
Par aankho ke aansu hum chupayege kaha.

17)   Tanha rehna seekh liya hum ne,
Par khush kabhi na reh payenge,
Teri doori sehna seekh liya hum ne,
Par teri dosti ke bina jee na payenge

18)   Bade ajeeb hain ye zindagi ke raaste,
anjane mod par kuchh log dost ban jate hain,
milne ki khushi de ya na de
bichhadne ka gam zarur de jate hain…

19)   Ek Gujarish Hai Mere Dost Tujhse,
Taumra Is Dosti Ko Nibhana,
Ho Kuch Dil Mein To Usse Kabhi Na Chupana,
Dukh Ho Ya Sukh Hamesha Mere Sath Chalna,
Bhatak Jaau Agar Mein Kabhi To Sahi Raah Dikhana…

20)   Kisi Ko Apni Khoobion Ka Ehsaas Nahin Hota,
Aap Jaisa Dostoon Ka Milna Itifaaq Nahin Hota,
Achha Kuch Kia HoGa Hum Ne,
Warna Aap Ho Sath Humaray Yeh Yaqeen Nahin Hota…

sher o shayri

1)      Hoshla Itna buland rakh,  ki

Aasma ko bhi dharti pe aane pade!

Halat aise paida kar , ki

Waqt bhi kadam se kadam milane lage!

Dil me Zoonun aisa ho,  ki

Pichhe mudke dekhane ka waqt na rahe !

Namumkin ki kya pahchan ,ki

Ghutane na tek de wo  Mumkin ke aage!

          

                                        

2)      Kalam ek tu hain jo mere dil ke kareeb,

Sab kuch hoyte huye bhi mujhsa Gareeb!

Mujhe Na koi shiqwa na koi shikayat,

Bas is kalam me hi hain sab khawaish!

Kalam kabhi na hona hamse  khafa,

Tere Siwa sabne diya hain hame daga!

Tu jo chale to dil ka haal byaan karde.

Tu kore panne me kismat ke rang bhar de!

  

3)      Babul tere aangan se meri doli uthi hain,

Tere pyar ke aanchal me yu pali main,

Tere ghar ke dahleez ulaange ke main,

Aaj piya ke aangan me chahkti hu main,

Kisne kya socha ki kaisa hoga piya ka ghar,

Waqt be waqt babul teri yaado ka hain manzar,

Babul ke aangan me chahakti thi meri aawaz,

Piya ke ghar me phool hua  khamosh andaz .

Babul tujhse na mujhe koi sikwa na shikayat,

mujhe to bas Babul tujhe sada aise rahe chahat !

sher o shayri

SHAYRI

1)     Jahan yaad na aaye teri,
Woh tanhaai kis kaam ki.
Bigde rishte na bane,
To khudaai kis kaam ki.
Beshak apni manzil tak jana hai hamein,
Lekin jahaan se apne na dikhein,
Woh oonchaai kis kaam ki!

2)     Chehre pe mere zulf ko phailao kisi din,

Kya roz garajate ho baras jao kisi din,

Khushbu ki tarah guzro mere dil ki gali se,

Phoolo ki tarah mujhpe bikhar jao kisi din.

3)     Ek pahchan hajaro Dost bana deti hain,
Ek muskaan hajaro gum bhula deti hain
Zindagi ke safar me sambhal kar chalna
Ek galti hajaro sapne jala kr raakh deti hai

4)     Zaruri to nahi ke insaan pyar ki murat ho,

Zaruri nahi ke insaan achcha aur khubsurat ho,

Par sabse sundar wo insaan hai..

Jo aapke sath ho jab aapko uski zarurat ho.

5)     Yeh bhi ek dua hai khuda se,
Kisi ka dil na dukhe hamari wajah se,
Aye khuda kar de kuchh aisi inaayat hum pe,
Ki khushiyaan hi milein sabko hamaari wajah se.

6)     Utha hua har hath dua ke liye nahi hota,
Jhuka hua har parda hawa ke liye nahi hota,
Apni galtiyon se bhi chirag bhuj jate hai aksar,
Kasoor hawa ka har baar nahi hota…

7)    Us Ke Sath Rehte Rehte Hamein Chahat Si Ho Gayi,

Usse Baat Karte Karte Hamein Aadat Si Ho Gayi,

Ek Pal Bhi Na Mile To Najane Bechaini Si Rehti Hai,

Dosti Nibhate Nibhate Hamein Mohabbat Si Ho Gayi…

8)     Ab ho gaya hai aadmi ,khiloono ki tarah
Bikta hai jahaan pyaar bhi saamaan ki tarah,
Pehchaan bhi hai mushkil mukhauton ke daur mein
Dikhta hai bhediya bhi insaan ki tarah!!

9)     Zindagi ki uljhanon ne hamaari sharaaratein kam di,
Aur log samajhne lage ki hum samajhdaar ho gaye.

10) Choo le aasmaan zameen ki talaash na kar,
Jee le zindagi khushi ki talaash na kar,
Takdeer badal jaayegi khud hi mere dost,
Muskurana seekh le wajah ki talaash na kar.

11)Ye arzoo nahi ki kisi ko bhulayein hum.
Na tammana hai kisi ko rulayein hum.
Par dua hai us rab se ek hi,
Jisko jitana yaad karte hain usko utana yaad aayein hum.

12)Khwahish aisi karo ki aasman tak ja sako,
Dua aisi karo ki khuda ko pa sako,
Yun to jeene ke liye pal bahut kam hain,
Jiyo aise ki har pal mein zindagi pa sako..!

13) Zindagi haseen hai zindagi se pyar karo,
Ho raat to subah ka intzar karo,
Wo pal bhi aayega jis pal ka intzar hai apko,
Bas rab pe bharosa aur waqt pe aitbar karo.

14) Mushkilon mein bhag jana asaan hota hai,
Har pehlu zindagi ka imtihan hota hai,
Darne walon ko kuchh milta nahi zindagi mein,
Aur ladne walon ke kadmon mein jahan hota hai.

15) Uthati lehron ko saahil ki darkaar nahin hoti,
Hauslon ke aage koi deewar nahi hoti,
Jalte hue ik chiraag ne aandhiyon se kaha,
Himmat hai to bujha ke dikha, jalne ke liye mujhe kono ki darkaar nahi hoti.

16) Soch ko badlo, sitare badal jayenge,
Nazar ko badlo, nazare badal jayenge,
Kashtiyan badalne ki zarurat nahi,
Dishaon ko badlo, kinare badal jayenge.

17) Lehron ko shaant dekh kar yeh mat samjhna
Ki samandar mein ravani nahi hai,
Jab bi uthenge toofan ban kar uthenge,
Abhi uthne ki thani nahi hai.

18) Aankhon mein khushi, labon par hansi, Gham ka koi naam na ho,
Aapko jahan ki saari khushiyan mile, in khushiyon ki kabhi sham na ho!!

19) Yaadon mein hum rahein ye ehsas rakhna,
Nazron se door sahi dil ke paas rakhna,
Ye nahi kehte ke sath raho,
Door sahi par yaad rakhna.

20) Har ek se achchi baat karna fitrat hai hamari,
Har ek khush rahe ye hasrat hai hamari,
Koi hum ko yaad kare ya na kare,
Har ek ko yaad karna aadat hai hamari.

21) Sehmi si nigahon mein khwab hum jaga denge,
Sooni in raho pe phool hum khila denge,
Hamare sang muskura ke to dekhiye,
Hum aapke har gham bhula denge.

22) Phool se pehle khusboo ko to dekho,
Karne se pehle kaam ko to dekho,
Kisi ke roop mein diwana na bano,
Surat se pehle uske dil ko to dekho.

23) Gham mein hasne walon ko kabhi rulaya nahi jata,
Lehron se pani ko hataya nahi jata,
Hone wale ho jate hain khudhi dil se apne,
Kisi ko kehkar apna banaya nahi jata.

24) Har raahi ko mann chaha mukaam nahi milta,
Jisko jee bhar pyar kar sake wo insaan nahi milta,
Aasma ke sitaron ki tarah hamare armaan bhi bikharte rehte hain,
Jo apne dil mein hamein jagah de sake wo meharbaan nahi milta.

25) Duniya ka har shauk pala nahi jata,
Kaanch ke khilono ko uchhala nahi jata,
Mehnat karne se mushkilein ho jati hai aasan,
Kyon ki har kaam taqdeeron par tala nahi jata.

26) Kuchh sitaron ki chamak nahi jaati,
Kuchh yadon ki khanak nahi jaati,
Kuchh logon se hota hai aisa rishta,
Ke door reh ke bhi un ki mehak nahi jaati.

27) Khairaat mein mili hui khushi mujhe achchi nahi lagti…..
Main apne dukhon mein bhi rahta hoon nawabon ki taraha.

28) Wo khud ko phool aur hum ko patthar keh kar muskuraya karte hain,
Un ko kya khabar patthar to patthar rehtt hain phool hi murjhaya kartt hain.

29) Khawahishon ka kafila bhi ajeeb hi hai,
Aksar wahin se guzarta hai jahan rasta na ho.

30) Chehre ki hasi se har gam chupao,
Bahut kuchh bolo par kuchh na batao.
Khud na rutho kabhi par sabko manao,
Ye raz hai zindagi ka, bas jeete chale jao.

31) Ek din sagar ne nadi se pucha,
Kab tak milti rahogi mujh khare jal se?
Nadi ne hans kar kaha,
Jab tak tujh me mithas na aa jaye tab tak.

32) Phool bankar muskurana zindagi,
Muskura ke gham bhulana zindagi,
Jeet kar koi khush ho to kya hua,
Haar kar khushiyan manana bhi zindagi.

33) Sabhi naghme saaz mein gaye nahi jaate,
Sabhi log mehfil mein bulaaye nahi jaate,
Kuchh paas reh kar bhi yaad nahi aate,
Kuchh door reh kar bhi bhulaye nahi jaate.

34)   Sham suraj ko dhalna sikhati hai,
Shama parwane ko jalana sikhati hai,
Girne wale ko hoti to hai takleef,
Par thokar hi insaan ko chalna sikhati hai.

35) Zindagi mein kisi ko is kadar mat pyar karo,
Ki zindagi bina unke aadhori lage,
Mohhabat is kadar karo ki,
Hamari mohhabat ke bine woh aadhoori lage.

36) Agar manzil pana hai to HAUSALA sath rakhna,
Agar pyar pana hai to AITBAR sath rakhna,
Aur agar chaho hamesha muskurana,
To sab bhoolkar bas HAMEIN yaad rakhana.

37)  Phoolon ki yaad aati hai kaanton ko chhune par,
Rishton ki samajh aati hai faaslon pe rehne par,
Kuchh jazbaat aise bhi hote hain jo ankhon mein padhe nahin jaate,
Woh to nazar aate hain zubaan se kehne par.

38) Naam ki kya baat karte ho,
Log chehre tak bhool jate hain.
Tum samander ki baat karte ho,
Log aankhon main doob jate hain.

39) Gile shikwe na dil se laga lena,
Kabhi maan jana to kabhi manaa lena,
Kal ka kya pata hum ho na ho,
Jab mauka mile thoda has lena aur hasaa dena.

40) Baadalon ke darmiyan kuchh aisi saazish hui,
Mera ghar mitti ka tha mere hi ghar baarish hui,                                           

          Usko bhi zid hai bijliyan girane ki,
Aur hamein bhi zid hai wahin aashiyan banane ki.

41) Abhi to baaz ki asali udaan baaki hai,
Abhi to aapka imtihan baaki hai,
Abhi tak to aapne zamin dekhi hai,
Abhi to pura aasmaan baaki hai.

42) Ankhoo ki aawaz kuch aur hoti hai,
Aansoo ki aag kuch aur hoti hai…
Kaun chahta hai bichhadna apnon se,
Par kismat ki baat kuch aur hoti hai ..

43)Dil hona chahiye, Jigar hona chahiye,
Ashiqui ke liye hunar hona chaihye,
Nazar se nazar milne par ishq nahi hota,
Nazar ke us paar bhi ek asar hona chahiye.

44) Na koi kisi se door hota hai,
Na koi kisi ke kareeb hota hai,
Pyar khud chal kar aata hai,
Jab koi kisi ka naseeb hota hai.

45) Unki jahan se nirali hai ada,
Andaz unke hai yaaron sabse juda,
Khafa ho jayen to qaatil se kam nahi,
Meharbaan ho jayen to lagne lagte hain khuda.

46) Utray jo zindagi teri gehraiyon mein hum.
Mehfil mein reh ke bhi rahe tanhaaiyon mein hum.
Deewangi nahi to aur kya kahen?
Insaan dhundhte rahe parchhaiyon mein hum.

47) Sath chhutne se rishte nahi tuta karte,
Waqt ki dhundh se lamhe nahi tuta karte,
Log kehte hain mera sapna tut gaya,
Tutati to nind hai sapne nahi tuta karte. 

48) Khwaish aisi karo ki aasman tak ja sako,
Dua aisi karo ki khuda ko bhi pa sako,
Yun to jeene ke liye pal bahut kam hain,
Par jiyo aise ki har pal mein zindgi pa sako..!

49) Kashti toofan se nikal sakti hai,

      Shama bujh ke bhi jal sakti hai,
 Mayus na ho irade na badal aye dost,
Kismat kisi bhi waqt badal sakti hai.

50) Bina gum khushi ka pata kaise chalega,
Bina roye hansi ka maza kaise milega,
Wo jo bhi karta hai wo hi janta hai…
Agar hum jaan gaye to use khuda kaun kahega.

51) Is kadar na har baat yaron se pucho,
Jo baat raaz ki ho isharon se puchho,
Leharo se khelna to samandar ka shauk hai,
Lagti hai chot kaisi kinaron se puchho.